PLUMBTAG, 28-A DE LA MONATO 5 DE LA JARO 7 (V.L.)
La Lumigita Reĝlando de Amestris sekvas kun profunda zorgo la komencon de nova milito kontraŭ Irano, post la atakoj iniciatitaj de Usono kaj Israelo kontraŭ la irana teritorio.
Amestris ne subtenas la trudon de politika, religia aŭ socia ordo per milita forto. Neniu ŝtato rajtas pretendi konstrui liberecon por alia popolo per bomboj, morto kaj detruo. Ni tial alvokas al tuja ĉesigo de la malamikaĵoj kaj al diplomatia solvo de la konflikto.
Sed nia malakcepto de ĉi tiuj militaj rimedoj ne signifas defendon de la teokratia reĝimo de la Islama Respubliko de Irano. Amestris same kontraŭas sistemon, kiu submetas la politikan kaj socian vivon al religia doktrino kaj limigas la liberecon de tiuj, kiuj ne volas vivi laŭ ĝi.
Ni aparte distingas inter la irana reĝimo kaj la irana popolo. Multaj irananoj ne identiĝas kun la teokratia sistemo sub kiu ili vivas, kaj dum jaroj ili postulis pli grandajn politikajn, sociajn kaj individuajn liberecojn.
Ni deziras por ili ne fremdan regadon, nek truditan religion, nek militon, sed la rajton mem decidi sian estontecon.
La popoloj devas esti liberaj elekti sian vojon. Nek la kruco, nek la duonluno, nek la bombo rajtas elekti ĝin por ili.